Cirugía guiada e Implantes
Kirurgia Gidatua Eta Inplanteak
Ordenagailuz gidatutako kirurgia deritzon teknikari esker, doitasun osoz jartzen dira hortz-inplanteak arkuan. Ordenagailuz eta 3D teknologiaz antolatzen da —aldez aurretik— ebakuntza. Kirurgia tradizionalarekin alderatuta, zenbat abantaila ditu prozedura horrek.
Kirurgia gidatuaren abantailak:
- Beste metodo batzuek baino doitasun handiagoa. Aurrez ordenagailuak ezarritako pausoei jarraikiz, askoz ere errazagoa da emaitzak aurreikustea, eta oso zehatzak izaten dira.
- Ebakidura txikia egin behar da. Doitasun handiko ebakuntza izaki, ez dago hezurra agerian utzi beharrik inplantea jartzeko.
- Ebakuntza ondokoa, eramangarriagoa. Txikia izaten denez hortzoiko zauria, kasurik gehienetan ez da sutura-punturik behar izaten. Horri esker, txikiagoak izaten dira hantura, infekzio-arriskua eta mina.
- Ebakuntza-denbora, laburragoa. Kirurgia gidatuan, kirurgia tradizionalean baino % 70 laburragoa izaten da ebakuntza-denbora.
Kirurgia gidatua, urratsez urrats
Jarraian, kirurgia gidatuaren bidez hortz-inplanteak jartzeko gure kontsultan ematen ditugun pauso guztiak azalduko dizkizugu.
- Espezialistaren balorazioa
Lehenik eta behin, ahoaren azterketa egiten —zorrotza eta pertsonalizatua— zaio pazienteari. Zenbait probaren bitartez erabakitzen da kirurgia gidatua den teknikarik egokiena tratamenduari ekiteko.
- 3D azterketa pazientearen ahoari
Aho barrurako azken belaunaldiko eskaner baten bidez, pazientearen ahoko hiru dimentsioko irudiak lortzen dira. Irudi horiez baliatuz eta CAD/CAM software bat erabiliz, masailezurra aztertzen du inplantologoak, jakiteko zein den gunerik egokiena inplantea jartzeko eta erabilgarri dagoen hezur-ehunaren kantitatea optimizatzeko.
- Teknika horren erabilera xedea zera da, ahal dela ez erabiltzea menturik edo teknika konplexuagorik, eta tratamendua ez atzeratzea.
- Ferula kirurgikoaren fabrikazioa
Ordenagailuko software bera erabiltzen da ferula kirurgiko bat fabrikatzeko, gero inplanteak ezartzeko erabiliko dena, aurrez erabakitako tokian eta posizioan.
- Zauri txikiko kirurgia
Ebakuntzaren egunean erabiltzen da ferula; hartara, ez dago hortzoia ireki beharrik, kirurgia tradizionalean ez bezala. Bestalde, behar den sakoneraraino bakarrik zulatzen du zirujauak.
Pide cita ahora
943 29 80 88
661 811 910
Horario:
| Lunes – Martes | 9:30 · 16:00 |
| Miércoles | 9:30 · 19:00 |
| Jueves | 9:30 · 19:00 |
| Viernes | 9:30 · 16:00 |
| Sábado y Domingo | Cerrado |